Monday, August 27, 2018

🌷കേരളം കരകയറുമ്പോൾ ചിലത് പറയാതെ വയ്യ.🌷

2018 ആഗസ്റ്റിൽ കേരളത്തിലുണ്ടായ പ്രളയത്തിൽ 400 തടുത്ത് ആളുകൾ മരണപ്പെട്ടു, പതിനായിരങ്ങൾക്ക് കിടപ്പാടം വരെ നഷ്ടപ്പെട്ടു, കോടിക്കണക്കിന് രൂപയുടെനാഷനഷ്ടമുണ്ടായി.
പക്വമായ രക്ഷാദൗത്യവും, ജനത്തിന്റെ ഒത്തൊരുമയും കാരണം വളരെപ്പെട്ടെന്ന് കേരളം കരകയറി


എത്ര സുന്ദരമായാണ് ഈ നൂറ്റാണ്ടിലെ മഹാപ്രളയത്തെ കേരളീയർ നേരിട്ടത്.

കേരളത്തിന്റെ സ്ഥാനത്ത് മറ്റേത് നാടാണെങ്കിലും ഇത്ര പെട്ടെന്ന് ദുരിതക്കയത്തിൽ നിന്നും കരകയറുമായിരുന്നില്ല.

Sunday, August 19, 2018

ദുരന്തഭൂമിയിലെ നാവികപ്പട

🛶 #ദുരന്തഭൂമിയിലെ_നാവികപ്പട 🚣

ഓഖിയും, സുനാമിയും ആഞ്ഞടിച്ചപ്പോൾ ന്യൂസ്ചാനലുകൾ മാറ്റിമാറ്റി മരിച്ചവരുടെ കണക്ക് നോക്കിയെന്നല്ലാതെ മത്സ്യത്തൊഴിലാളികൾക്ക് വേണ്ടി ആത്മാർത്ഥമായി നമ്മളെന്തെങ്കിലും ചെയ്തിട്ടുണ്ടായിരുന്നോ?😓

Wednesday, April 11, 2018

കൊലക്കളങ്ങളാകുന്ന ലോക്കപ്പുകൾ


ബ്രിട്ടീഷ് കാപാലികരായിരിക്കാം കാക്കിധരിച്ചുകൊണ്ട് ഭാരതീയനെ ആദ്യമായി കൊല ചെയ്തത്‌.

പിന്നീട്,
സ്വാതന്ത്ര്യാനന്തര ഇന്ത്യയിൽ നിയമപാലകരുടെ കാക്കിക്കുപ്പായത്തോട് ബഹുമാനവും, ആദരവും നാമ്പെടുത്തെങ്കിലും,
അടിയന്തിരാവസ്ഥക്കാലത്ത് ഈ ബഹുമാനം പുച്ഛം കലർന്ന പേടിയായി മാറിയെന്നത് പച്ചപ്പരമാർത്ഥം.

Monday, April 2, 2018

ആറാട്ടു ദിവസം ശംഖുമുഖത്താറുപേർ

ഇന്ന് പതിവിലും നേരത്തെ ക്ലാസവസാനിച്ചു.
എന്നാ പിന്നെ "എങ്ങോട്ടെങ്കിലും ചെറിയൊരു ട്രിപ്പ് പോയാലോ" 🚃🚃എന്ന് വെറുതെയങ്ങ് പറഞ്ഞ് മുഴുമിപ്പിക്കും മുമ്പ് ഇപ്പുറത്ത് പ്ലാനിങ് തുടങ്ങിയിരുന്നു. ഒടുവിൽ നറുക്ക് വീണത് 'ശംഖുമുഖ'ത്തിനായിരുന്നു.

ആനവണ്ടീടെ ലോഫ്‌ളോർ കുടുംബത്തിലെ ഒരുത്തനാണ് വരുന്നത്.🚉 തിരക്ക് നന്നേ കുറവ്. പിറകിലെ സീറ്റ് ഞങ്ങൾക്കുവേണ്ടി പറഞ്ഞുവെച്ച പോലെ ഒഴിഞ്ഞ് കിടക്കുന്നു.

Sunday, March 25, 2018

ഹരിത തുരങ്കത്തിലൂടെയൊരു തീവണ്ടി യാത്ര 🚂


"ചായ കാപ്പി വടേയ്...."
ആകെയൊരു കലപില ശബ്ദം കേട്ട് മെല്ലെ കൺതുറന്നു.രാജ്യറാണി'യുടെ മടിത്തട്ടിൽ കിടന്ന് നല്ലൊരുറക്കം കിട്ടി.
ട്രെയിനിൽ തിരക്ക് നന്നേ കുറവ്.
"ചായ കാപ്പി വടേയ് സമൂസ..."
ആ വിളി ഞാനറിയാതെത്തന്നെ ബർത്തിൽ നിന്ന് താഴെയിറക്കി. ഷൊർണ്ണൂർ റെയിൽവേ സ്റ്റേഷൻ.
സമയം 05:45 ആയപ്പോഴേക്കും പുലരിക്ക് ഇത്ര തെളിച്ചമോ.?
പിന്നെ വൈകിയില്ല. ഉശിരൻ ചുടുചായയും, തടിച്ചൊരു സമൂസയും കയ്യിലൊതുക്കി. എന്താണെന്നറിയില്ല, ഞാനും ഉഴുന്നുവടയും പണ്ടേ ശത്രുക്കളാ..
വടയോടുള്ള പകപോക്കലും കൂടിയാണ് സമൂസയെ തെരഞ്ഞെടുത്തതിന്റെ പിന്നിലെ ഗൂഢലക്ഷ്യം.
എഞ്ചിനോട് തൊട്ടടുത്ത ബോഗിയായതുകൊണ്ട് എഞ്ചിൻ മാറ്റുന്നത് ലൈവ് ആയി കാണാനുള്ള ചാൻസും കിട്ടി. ചുടുചായയുമേന്തി എഞ്ചിൻ മാറ്റുന്നത് കാണാൻ ചെന്നു. വിചാരിച്ച അത്ര പുകിലൊന്നും അതിൽ കണ്ടില്ല.
ഡീസലെഞ്ചിനിലാണ് ഇനി നിലമ്പൂരിലേക്കുള്ള യാത്ര.

Wednesday, March 14, 2018

തോണി ദുരന്തങ്ങൾ ഇനിയും ആവർത്തിക്കരുത്..


കേവലം 14 ജില്ലകൾ മാത്രമുള്ള കേരളത്തിൽ 44 നദികളും, 34 കായലുകളും, 580 കിലോമീറ്റർ കടൽത്തീരവും, കുളങ്ങളും, കനാലുകളും, വെള്ളക്കെട്ടുകളും, സ്വിമ്മിംഗ് പൂളുകളും അടക്കം ആയിരത്തിലധികം ജലാശയങ്ങളുമുണ്ട്.

ശ്രീജീ.. ഞങ്ങളുമുണ്ട് കൂടെ


പ്രിയ ശ്രീജീ...
നിന്നെ ഞാൻ കണ്ടിട്ടുണ്ട്..
ഒന്നല്ല. ഒരുപാട് തവണ.
യൂണിവേഴ്‌സിറ്റി കോളജ് വിട്ട് സായാഹ്‌നങ്ങളിൽ ആഴ്ചപ്പതിപ്പുകൾ തേടി സെക്രട്ടറിയേറ്റിന്റെ എതിർവശത്തുള്ള സ്റ്റാച്യൂ ജംഗ്ഷനിൽ വരുമ്പൊ ഒരുപാട് തവണ കണ്ടിട്ടുണ്ട് നിന്നെ.

വെളുമ്പിയംപാടത്തേക്ക് പോരുന്നോ..??

വെളുമ്പിയംപാടം ത്തിനെപ്പറ്റി ഇനി ചോദിക്കരുത്.!!
വരൂ നമുക്കൊരുമിച്ചങ്ങോട്ട് പോകാം...
_____________________________
മലപ്പുറം ജില്ലയുടെ ഒരറ്റത്ത് തേക്കിലകൾ കഥ പറയുന്ന നിലമ്പൂരിൽ നിന്ന് ഊട്ടി-മൈസൂർ പാതയിൽ 10km സഞ്ചരിച്ച്‌ നമ്മളിപ്പോൾ 'പാലുണ്ട'യിലാണ് എത്തിയിരിക്കുന്നത്.
ഏക്കർ കണക്കിന് റബ്ബർ തോട്ടങ്ങൾ പരന്നുകിടക്കുന്ന🌲🌲 ഈ സ്ഥലത്തിന് 'പാലുണ്ട' എന്നല്ലാതെ മറ്റെന്തുപറയും??
"മുണ്ടേരി വിത്തുകൃഷിത്തോട്ടം- 16km"
എന്നെഴുതിയ ബോർഡ് കണ്ടോ..?
വരൂ...
ഇനിയും 10കിലോമീറ്ററോളം യാത്ര ബാക്കിയുണ്ട്..

നിങ്ങൾ ക്യൂവിലാണ്

മേരേ പ്യാരേ ഫേസ്ബുക് വാസിയോം...


നോട്ടുനിരോധനം നിലവിൽ വന്നിട്ട് എഴുപതിലധികം ദിനങ്ങൾ പിന്നിട്ട് കഴിഞ്ഞു. നിരോധനത്തിനെതിരെ തെരുവിലൊട്ടിച്ച പോസ്റ്ററുകൾ കാലികൾ തിന്നു തീർത്തു.
ക്യാ മലയാളീ..?

കിഴക്ക് വെള്ളകീറും മുമ്പേ ട്രെയിൻ ആഞ്ഞുകൂകിയിങ്ങ് തിരൂരിലെത്തി. പഴയ വാഗൺട്രാജടി ദുരന്തത്തെ ഓർമ്മിപ്പിക്കുമാറ് ഒരു പഴഞ്ചൻ ചരക്കുവണ്ടി അവസാനത്തെ പ്ലാറ്റ്ഫോമിൽ ഹാൾട്ട് ചെയ്തിരിക്കുന്നു.

പ്ലാറ്റ്ഫോമിൽ സംവിധാനിച്ച ലൈറ്റുകൾക്കൊന്നും വേണ്ടത്ര വെളിച്ചമില്ല.
ചുടുചായയും, മധുരമൂറും ഉണ്ണിയപ്പവുമായി ആ ചരക്കുവണ്ടിക്ക് അഭിമുഖമായ് ഞാനിരുന്നു.